რა არის ახალი

1. 1.4.0 მიმდინარე ვერსია 2026-09-08

   ახალი ნიშანი და სახელი — და გულწრფელი პასუხი იქ, სადაც გაყიდვას ვერ ვადასტურებთ.

   • აპს ახალი ნიშანი აქვს: მომრგვალებული კვადრატი, რომელსაც ელვა ორად ყოფს. ეკრანზე ხატულაც შეიცვალა.
   • სახელი ახლა Instalert-ია, ერთი დიდი ასოთი — ორად გაყოფილი ფერი თავად ამბობს იმას, რასაც ადრე მეორე დიდი ასო ამბობდა.
   • ss.ge-ის ფილტრებზე ახლა წერია, რომ იქ ერთი და იგივე ბინა ხშირად რამდენჯერმეა განთავსებული — და რომ ამის გამო გაყიდვას ვერ დაგიდასტურებთ.
2. 1.3.0 2026-09-01

   ყველა განცხადებას თავისი გვერდი აქვს, რჩეულებს — თავისი სია.

   • განცხადების გვერდი: როდის გამოჩნდა, ფასის ყველა ცვლილება და ის, ისევ იყიდება თუ უკვე მოიხსნა. ალერტზე დაჭერა პირდაპირ აქ მოგიყვანს.
   • რჩეულები — ვარსკვლავი დაადე განცხადებას და ცალკე სიაში შეგრჩება, მაშინაც კი, თუ ფილტრს წაშლი.
   • ყოველ ფილტრს დაემატა ჩამრთველი „მხოლოდ ფასდაკლებები“: ახალი განცხადებები აღარ შეგაწუხებს, ფასის დაცემა კი მაინც მოგივა.
   • ფილტრის ისტორია ახლა ფასითაც დალაგდება — იაფიდან ძვირისკენ ან პირიქით.
   • გრძელი ისტორია სრულად იკითხება: პირველი ორმოცდაათი განცხადების შემდეგ ჩამოტვირთვა გრძელდება.
   • პაროლი დაგავიწყდა? შესვლის ეკრანიდან აღდგენა შეგიძლია, პაროლის შეცვლა კი — ანგარიშის გვერდიდან.
3. 1.2.0 2026-08-11

   ხუთი გეგმა ბარათებად — და უფასო კვირა, რომელიც ბარათს არ ითხოვს.

   • გამოწერის ეკრანი: ხუთივე გეგმა ცალკე ბარათად, მიმდინარე მწვანედ მონიშნული.
   • Starter-ის უფასო კვირა ერთი შეხებით იწყება — ბარათი არ სჭირდება და არაფერი გერიცხება. ვადის ბოლოს ანგარიში უფასო გეგმაზე გადადის და არცერთი ფილტრი არ იშლება.
   • ანალიტიკა Standard-იდან იხსნება; დახურულ ეკრანზე წერია, კონკრეტულად რას გაჩვენებდა.
   • „დაკავშირებული წყაროები“ ცალკე აჩვენებს, რომელ საიტებს ფარავს შენი გეგმა და რომელი გაქვს შენით გამორთული.
   • შეტყობინების ფოტოები რამდენჯერმე შემსუბუქდა — იგივე სურათი ეკრანზე, გაცილებით ნაკლები მობილური ინტერნეტი.
4. 1.1.0 2026-08-09

   აპლიკაცია და საიტი ინგლისურადაც.

   • ენის არჩევა ანგარიშში: ქართული ან ინგლისური. არჩევანი ანგარიშზე ინახება, ამიტომ ტელეფონიც და საიტიც ერთსა და იმავე ენაზე გელაპარაკება.
   • push-შეტყობინებებიც არჩეულ ენაზე მოდის — მათ შორის ჩუმი საათების შემდეგ გამოგზავნილი შეჯამება.
   • განცხადებების სათაურები და ფასები უცვლელი რჩება — ისინი საიტების ტექსტია, არა ჩვენი.
5. 1.0.1 2026-08-07

   ერთი მთავარი ეკრანი, ახალი ანალიტიკა და ანგარიშის გვერდები.

   • მთავარი ეკრანი თავიდან: ქვედა ჩანართები აღარაა — შეტყობინებები და ანალიტიკა ღილაკებითაა, ზემოთ კი დღევანდელი ციფრები და ოთხი მაჩვენებელი კვირის ცვლილებით.
   • ანალიტიკა: 7 / 30 / 90 დღე, დიაგრამა, რომელზეც თითის გადატარებით ნებისმიერი დღის რიცხვს ნახავ, საშუალო და პიკი, ახალი და დაცემული ფასების თანაფარდობა, დაზოგილი თანხა.
   • ანგარიში და აპლიკაციის პარამეტრები ორ ცალკე გვერდად.
   • პაროლის შეცვლა უკვე აპლიკაციიდანაც შეიძლება.
   • myjobs.ge და myparts.ge დაემატა — სულ რვა წყარო.
6. 1.0.0 2026-08-03

   პირველი ვერსია — ფილტრები, ალერტები და push.

   • ანგარიში ელფოსტითა და პაროლით.
   • ფილტრის დამატება ძებნის ბმულის ჩასმით.
   • push-შეტყობინება ახალ განცხადებაზე და ფასის დაცემაზე.
   • ექვსი წყარო: myauto.ge, myhome.ge, mymarket.ge, ss.ge, copart.com, livo.ge.

დახმარება კითხვები ფასები